Këtu Janë Lajmet Më Të Reja Nga Vendi Dhe Rajoni

Myftiu i Kosovës, Naim Tërnava
Tërnava kërkon njohjen e Kosovës nga bota islame
“Bota perëndimore na ka ndihmuar në themelimin e shtetit, ndërsa nga bota islame presim që të na ndihmojë në forcimin e shtetit në arenën ndërkombëtare”, ka thënë Myftiu i Kosovës, Naim Tërnava të shtunën në një takim me disa pjesëmarrës të konferencës “Kosova dhe Bota arabe”, që mbahet nesër në Prishtinë.

Drenas: 6 të lënduar në aksident hekurudhor
Në një aksident hekurudhor, në fshatin Çikatovë të komunës së Drenasit, janë lënduar gjashtë persona.

Sipas njoftimeve zyrtare, treni ishte duke bartur mallra kur kishte dalë nga binaret dhe me këtë rast, gjashtë persona që ndodheshin brenda, kanë pësuar lëndime.

Policia konfiskoi mbi 13 mijë litra vaj disulfurik
Gjatë natës në mes të shtunës dhe të dielës, policia kufitare e Kosovës ka konfiskuar një sasi të madhe të vajit, mbi 13 mijë litra, me dyshimin se bëhet fjalë për vaj disulfurik, i njëjtë me vajin që hyri në vendin tonë muaj më parë.